Чет өлкөлөрдөн жүк ташуу менен алектенген кыргызстандык айдоочулар Ирандын аймагынан чыга албай калышты. Бул тууралуу Кыргызстандын Соода-өндүрүш палатасы билдирди.
Маалыматка ылайык, 76 жүк ташуучу автоунаанын айдоочулары коронавирустун улам 18-февралдан бери Иранда изолятордо турат.
Транспорт жана логистика комитетинин төрагасы Талантбек Маткерим уулунун айтымында, учурда айдоочуларда азык-түлүк жана акча каражатына болгон муктаждык жогору.
«Учурда айдоочулар менен WhatsApp тайпалар аркылуу гана байланышып жатабыз. Ирандын ичиндеги карантин, чектөөлөргө байланыштуу Кыргызстандын элчилигинин өкүлдөрү да алар менен түзмө-түз жолугуша албай жатат»,-деп билдирди Талантбек Маткерим уулу .