Бишкек.29.04.2019.Govori.TV.
Кыргызстандык балбан Үзүр Жусупбеков Кытайда өткөн грек-рим күрөшү боюнча Азия биринчилигинде алтын медаль тагынды.
Белгилей кетсек, Азия биринчилиги Кытайдын Сиань шаарында 23-28-апрель күндөрү болуп өттү.
Үзүр Жусупбеков 97 килограмм салмак ченинде күч сынашкан. Ал финалдык беттеште өзбекстандык балбан Жахонгир Турдиев менен күрөшүп, аны 3:2 эсебинде уткан.
Мындан тышкары дагы үч балбан – Асан Сулайманов (55 кг), Руслан Царев (72 кг) жана Мурат Рамонов (130 кг) Азия биринчилигинин коло медалын тагынышкан.
Белгилей кетсек, бул Азия биринчилигинде кыз-келиндер арасында Айсулуу Тыныбекова Азия чемпиону болгон.
