Кыргызстандын президенти Садыр Жапаров Жидда шаарында Ислам өнүктүрүү банкынын (ИӨБ) президенти Мухаммед бин Сулейман Аль-Жассер менен жолугушту.
Президенттин басма сөз кызматы билдиргендей, анда эки тараптуу кызматташтыктын актуалдуу маселелери, Кыргызстанда Ислам өнүктүрүү банкы менен биргелешкен долбоорлорду ишке ашыруунун жүрүшү, кызматташтыкты мындан ары да кеңейтүү боюнча сөз болду.
Садыр Жапаров кыргыз тарап ИӨБ менен кызматташууга артыкчылык берерин белгилеп, 2023-2027-жылдарга карата Кызматташуу стратегиясын иштеп чыгуу жана тез арада кол коюу зарылдыгын айтты.
Ошондой эле 2022-жылы Чолпон-Ата шаарында өткөн иш-чарада жетишилген турак жай куруу, энергетика, саламаттыкты сактоо, билим берүү жана айыл чарба тармактарында инвестициялык долбоорлорду кароону тездетүү маселесин козгоду. Анын ичинде “Менин үйүм 2021-2026” турак жай программасы жана «Корумдудан Балбай баатырга чейин 104-184,5 чакырымдык Ысык-Көл айланма жолун реконструкциялоо» долбоорлорун каржылоого өзгөчө көңүл бурулду.
Ислам өнүктүрүү банкынын президенти Мухаммед бин Сулейман Аль-Жассер эки тараптуу мамилелерди чыңдоого даярдыгын баса белгиледи. Аталган долбоорлордун алдыга жылышы жеке көзөмөлүндө болорун айтты. Анын маалыматы боюнча, быйыл 24-28-июль күндөрү Кыргызстанга ИӨБ эксперттик миссиясы жиберилет, алар кыргыз тарап менен жогоруда белгиленген долбоорлорду ишке ашыруу маселесин талкуулайт.
Бүгүн, 20-майда президент Садыр Жапаров чет элдик студенттер менен болгон окуя боюнча кайрылуу жасады. Жапаров …
Кыргыз Республикасынын Президенти Садыр Жапаров бүгүн, 17-майда, Бириккен Улуттар Уюмунун Башкы катчысынын орун басары — …
Бүгүн, 15-майда, президент Садыр Жапаров менен Малайзиянын премьер-министри Анвар Ибрагимдин өлкөгө болгон расмий сапарынын алкагында …
Президент Садыр Жапаровдун 7-9-майда Россия Федерациясына болгон иш сапары аяктады. Бул тууралуу президенттин басма сөз …
Президент Садыр Жапаров бүгүн, 7-майда иш сапары менен Россия Федерациясына жөнөп кетти. Иш сапардын алкагында …
Президент Садыр “Кыргыз Республикасынын айрым мыйзам актыларына (“Жер казынасы жөнүндө”, “Биосфералык аймактар жөнүндө” Кыргыз Республикасынын …
