Бүгүн, 11-сентябрда Кытайдын түштүгүндө жайгашкан Гуандун провинциясынын Чжухай шаарындагы мейманкананын жанында жарылуу болду. Бул тууралуу РИА Новости жазды.
Маалыматка караганда, жергиликтүү өрт өчүрүү кызматына жарылуу тууралуу маалымат саат 9:00 чамасында (Пекин убактысы боюнча) түшкөн. Окуя болгон жерге 11 өрт өчүрүүчү унаа барган.
Кытайдын борбордук телеканалы кабарлагандай, жарылуунун кесепетинен 3 адам жабыркаган. Каза болгондор тууралуу маалымат жок. Учурда териштирүү иштери жүрүп жатканы айтылды.