Кытайлык кыргыздар президентке кайрылуу жолдошту

Бишкек.26.11.2018.Govori.TV.

Кыргыз Республикасынын Президенти 
Шарип уулу Сооронбай Жээнбеков мырзага, 
Кытайдан келген кайрылмандардан жана кытайлык жакындары жапаа чегип жаткан кыргызстандык кыргыздардан

Кайрылуу кат

Урматтуу Кыргыз Мамлекетинин Ажосу, жалпы Кыргыз Калкынын таянар тоосу,
Манас Атабыздын туусун азыр кармап турган Журт Башчысы!

Биздин Сизге кайрылуубуздун себеби: Кытайдагы кыргыз туугандарыбыз «тарбиялоочу лагерь» деп аталган жайларга себепсиз камалууда. Алардын ичинде Кыргызстандын жарандары, Кыргыз Республикасынын паспорттору бар дагы арбын. Учурда Шинжандагы кыргыздардын акыбалы өтө оор. Кытайда «Саясий үйрөнүү лагери» деп атап, бул жактан окуп же иштеп барган кыргыздарды бейкүнөө абакка камап, түрдүү оор соккуларды көрсөтүшүүдө. Кыргыздар эч кандай мыйзамды бузбаса же мамлекеттин кызыкчылыгына каршы чыкпаса дагы, жоопко тартылышууда. Анын ичинде оор кыйноодон улам каза болгондор дагы бар. Бул көйгөй туурасында Казакстан Республикасы Шинжаңда жашаган казак улутундагы жарандарга жасалган мамилеге байланыштуу Кытайга бир канча жолу нота менен кайрылып, Казак Мамлекетинин тынымсыз жасаган аракетинин натыйжасында ондогон казактын эркиндикке чыкканы жөнүндө кабарыңыз болсо керек. Эл аралык коомчулук аталган лагерлерде жүз миңдеген күнөөсүз жанга кыйноонун эң оор түрү көрсөтүлүп жатканын билдирүүдө.
Кытайга кетип дайыны чыкпай калган жарандарыбыздын жана кандаштарыбыздын үй-бүлөөсү ошондой эле балдары кыйын абалда калышты. Жакындарыбыздан кеткен боюнча кабар болбой, айрымдарыбыз 2 жылдан бери байланыша албай калдык. Биз алардын өмүрүнөн кооптонуп тынчсызданып жатабыз. Кытайда тууган-уруктарыбыз жапырт камалууда, байланыш дагы кылдырбай жатат. Интеллигенция өкүлдөрүнөн профессор Мамбеттурду Мамбетакун, тарыхчы Аскар Жунус сыяктуулар, ал эми катардагы кыргыздардан Абуталып Саамый, Султан Жасын, Малик Масмакун, Турдакун Абылет, Кенжакун Жумаалы, Сүйүналы Жүсүпэмет, Сулайман Орозобай, Амантур Малик, Мүсүралы Үсөн, Камза Салымкожо, Абдылда Асанакун, сыяктуу 50 миңдей кыргыз камакта олтурат.
Кыргыз элинин терең ишенимине ээ болуп турган ак-адилеттүү өлкө башчысы катары Сизге кайрылып турабыз, ушул маселеге көңүл буруп, Кытайда жазыксыз камалган кыргыздарды камактан бошотууга аракет кылууңузду суранабыз. Албетте, биздин беш миң жылдык тарыхы бар, улуу маданияттарды жараткан, Кыргызстандын улуу коңшусу, эң жакын жана ишенимдүү өнөктөшү болгон Кытай Эл Республикасынын бийлигинин ички саясатын жамандап, кийлигишели деген оюбуз жок. Бирок Кыргыз Мамлекети кытайлык кыргыздардын коопсуздугун талап кылууга жана эмне себептен камалып жатышканын билүүгө укуктуу. Кытайдагы кыргыздардын эмне болуп жатканы бизге белгисиз. Ал тургай азыркы учурда Кытайдан келип окуп жүргөн кыргыз студенттер жокко тете, ортодогу байланышуу жолдорубуз таптакыр үзүлүп калды. Сизден Кытайдагы кыргыздарга жардам берүүңүздү суранабыз. Сиздин жардамыңыздын аркасында жазыксыз камалган кандаштарыбыз абактан бошотулат деген ишеничибиз чон!
Жашасын түбөлүктүү Кыргыз-Кытай элдеринин достугу!
Сизди терең урматтоо менен, сизге кайрылган Кытайдан келген кайрылмандар жана жакындары Кытайда жапаа чегип жаткан кыргызстандыктардын атынан

Кайрылуучулар:

1. Салимов Муслихиддин
2. Алымкулова Асила
3. Малик уулу Жусуп
4. Сүйүналы уулу Аалы
5. Ийса уулу Сейитбек
6. Үсөн уулу Турсуналы
7. Абуталып уулу Ажыбай
8. Камза кызы Бейшекан
ж.б.

Подписаться:

Тема боюнча

Масалиев Мадумаровдун боштондукка чыгарылбай жатканын сынга алып, кайрылуу жасады

Бүгүн, 3-апрелдеги Жогорку Кеңештин жалпы жыйыны учурунда депутат Исхак Масалиев сөз сүйлөп, фракциянын лидери, учурда …

Кененирээк

«Чет элдик өкүл» мыйзамы: Юрист Эргешбаева президентке кайрылуу жолдоду

Юрист Таттуубүбү Эргешбаева талаш жараткан “чет өлкөлүк өкүл” мыйзам долбооруна байланыштуу президент Садыр Жапаровго кайрылуу жолдоду. «Урматтуу …

Кененирээк

Оштогу бейөкмөт уюмдары Жапаровго кайрылуу жолдошту

«Коммерциялык эмес уюмдары жөнүндө» мыйзам долбооруна байлануштуу Оштогу бейөкмөт уюмдары президент Садыр Жапаровго кайрылуу жолдошту. …

Кененирээк

Amnesty International “Чет өлкөлүк өкүл” мыйзамына вето коюуга чакырды

Amnesty International (AI) уюму эл аралык уюму Жогорку Кеңеш кабыл алган “чет өлкөлүк өкүл” мыйзаманына …

Кененирээк

CPJ журналисттердин абакта калтырылышы боюнча тынчсыздануусун билдирди

Журналисттерди коргоо комитети (CPJ) Кыргызстанда коррупцияга каршы иликтөө жүргүзүп келген сегиз журналисттин камактагы мөөнөтүнүн узартылышына …

Кененирээк

Бейөкмөт уюмдар жана ЖМК мыйзамы: Кыргызстандагы долбоорлорду каржылаган эл аралык банктарга 15 уюм кайрылуу жолдоду

15 уюмдан турган топ “чет элдик өкүлдөр” тууралуу мыйзам долбоору боюнча тынчсыздануусун билдирип, Кыргызстандагы долбоорлорду …

Кененирээк