Кыргызстанда дагы 16 бейтап коронавирустан айыкты. Бул тууралуу өкмөт үйүндөгү маалымат жыйында саламаттык сактоо министринин орун басары Нурболот Үсөнбаев билдирди.
«Коронавирустан 16 бейтап айыгып, ооруканадан чыгарылды. Бишкек шаарында Республикалык жугуштуу оорулар бейтапканасындагы 4, Жалал-Абад облусунда 12 бейтап коронавирустан айыкты. Учурда коронавирустан айыккандардын саны 130га жетти», -деди Үсөнбаев.