Өмүрбек Текебаевге абактан кысым көрсөтүлүүдө. Бул туурасында Жогорку Кеӊештин трибунасынан «Ата Мекен» фракциясынын лидери Алмамбет Шыкмаматов билдирди.
«Мага жаӊы эле маалымат келип түштү. Эки күндөн бери Өмүрбек Текебаевге №47-колонияда кысым башталыптыр. Токтоосуз түрдө ЖАМК жетекчисине байланышкыла. Башка камерага которобуз, үстүнө кайдагы бир адамдарды кошобуз деп жатышыптыр. От менен ойношпосун. Бул боюнча тийиштүү органдарга кайрылыңыз», — деди Шыкмаматов.
Белгилей кетсек «Ата Мекен» партиясынын лидери Өмүрбек Текебаев күнөөсү аныкталбай бир жылдан бери абакта отурат.
