«Бүтүн Кыргызстан» фракциясынын лидери, депутат Адахан Мадумаровду жоопко тартууга макулдук берүү маселесин кароо үчүн түзүлгөн депутаттык комиссиянын төрагасы Айбек Осмонов болду. Бул тууралуу маалыматты депутат өзү тастыктады.
Анын айтымында, депутаттык комиссия алгачкы жыйынга чогулду.
«Жогорку Кеңеште Адахан Мадумаровду жоопко тартууга макулдук берүүнү кароо үчүн комиссия түзүлгөн. Анын мүчөлөрү мени төрага кылып шайлашты. Комиссиянын жыйынтыгын мыйзам боюнча бир айда чыгарып беришибиз керек»,-деди ал.
Эске салсак, буга чейин Жогорку Кеңеште Мадумаровду жоопко тартууга макулдук берүүнү кароо үчүн комиссия түзүлгөн. Депутаттык комиссиянын курамына «Ата-Журт Кыргызстан» фракциясынан Айбек Осмонов, «Бүтүн Кыргызстан» фракциясынан Исхак Масалиев, «Ынтымак» фракциясынан Мурадил Сыдыков, «Ишеним» фракциясынан Бахридин Шабазов, «Ыйман Нуру» фракциясынан Динара Ашимова, Элдик топтон Аманкан Кенжебаев, «Альянс» фракциясынан Азамат Исраиловдор кирген.
Мунун алдында башкы прокурор депутат Адахан Мадумаровду жоопко тартууга макулдук берүү өтүнүчү менен Жогорку Кеңешке кайрылган.
Саясатчы 2009-жылы Коопсуздук кеңешинин катчысы болуп турган кезде кол койгон кыргыз-тажик чек арасы тууралуу протоколго байланыштуу 14-январдан тарта Башкы прокуратурада күбө катары бир нече жолу сурак берген.
Ал 2009-жылы Ош — Баткен — Исфана жолун оңдоого жана көпүрө куруу үчүн 275 метр узундуктагы беш гектар жерди тажик тараптан 49 жылдык мөөнөткө ижарага алуу боюнча протоколго кол койгон. Мадумаров документ юридикалык күчкө ээ эмес экенин айтууда.
Борбордук шайлоо комиссиясы 13-мартта өзү жазган арыздын негизинде Жогорку Кеңештин депутаты Айбек Осмоновдун ыйгарым укуктарын …
Жогорку Кеңештин депутаты Айбек Осмонов Түркияга дарылануу үчүн кеткен. Бул тууралуу ал 28-февралда “Азаттыкка” билдирген. …
Бүгүн, 19-апрелде Жогорку Кеңештин жалпы жыйынында депутат Айбек Осмонов тилчилерге кайрылып, алфавитти өзгөртүү тууралуу сунушун …
Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында депутат Айбек Осмонов …
Жогорку Кеңештин жалпы жыйынында Ош округу боюнча шайланып келген депутат Айбек Осмонов сөз сүйлөп, Ош …
14-апрелдеги жыйында депутат Айбек Осмонов Казакстандын чек арасында эки аптадан бери оор жүк ташыган машинелер …
