Майдан: Гимнди калтыруу же өзгөртүү жөнүндө түрдүү пикирлер (Түз эфир)

Жогорку Кеңештин төрагасы Нурланбек Шакиевдин гимнди өзгөртүү керек деген пикирин билдирди.

«Себеби, гимнди кабыл алганда Советтер Союзунан чыккан убак болгон. Азыр биз бутуна толук турган, кадыресе өнүгүү жолуна түшкөн мамлекетпиз. Ошол үчүн биз гимнди өзгөртүшүбүз керек», — деген ал.

ЖК төрагасынын мындай пикири коомчулуктун катуу талкуусуна алынууда. Айрымдар өзгөртүү керек деген пикирди колдоого алса, айрымда буга такыр эле каршы.

Ал эми президент Садыр Жапаров бүгүн «Кабар» улуттук агенттигине бул тууралуу комментарий берип, гимнди өзгөртүүнү колдой турганын айтты.

Бүгүнкү «Майдан» дебаттарында «Гимнди калтыруу же өзгөртүү жөнүндө түрдүү пикирлер» деген теманын айланасында сөз болмокчу.

Катышуучулар:

• Асан Жакшылыков — Кыргыз Эл жазуучусу, акын жана коомдук ишмер;
• Чынар Уметалиева — Культурология илиминин доктору;
• Тимур Саламатов — КР маданиятына эмгек сиңирген ишмер, композитор, музыка таануучу жана музыка сынчысы
• Айбек Теңизбай — саясат талдоочу.