Бишкек. 20.01.2019. Govori.TV
Кечээ, 19-январда белгилүү улакчы Манас Ниязовдун 2016-жылы 2-Дүйнөлүк көчмөндөр оюндарында кийген формасынын аукциону жыйынтыкталды. Форманы Руслан аттуу мырза 80 миң сомго сатып алганы маалым болду.
Жогорудагы каражат Чүйдүн көк бөрү боюнча чемпиондугунда аттан кулап, катуу жаракат алган улакчы Дастан Жакеевге берилерин көк бөрү федерациясынан билдирди.
Ал эми Дастандын атасы Алишер мырза төмөндөгүлөргө токтолду.
«Уулумдун ден соолугуна кайдыгер карабаган Манас Ниязов баш болгон көк бөрү федерациясынын улакчыларына жана жалпы кыргыз элине ыраазычылык билдирем. Учурда уулум Дастан өз алдынча баса албайт. Каражаттын тартыштыгынан улам калыбына келүүсү кечеңдеп жатат».
Буга чейин Манас Ниязовдун формасы аукционго коюлуп, баштапкы баасы 2 миң сомдон башталган.
Күн мурун Нарында өткөн «Кыргыз шырдагы XIII» эл аралык фестивалында бир шырдак 400 миң сомго …
Мамлекеттик салык кызматы Кыргыз Республикасынын Өкмөтүнүн 2020-жылдын 23-январындагы токтому менен Бирдиктүү салык декларациясынын формасына жана …
Бишкек. 06.02.2019. Govori.TV «Фабула» гезитин Кыргыз Републикасынын эмгек сиңирген артисти Айбек Карымов сатып алды. Бул …
