Кыргызстан социал-демократтар партиясынын (КСДП) мүчөсү, парламенттин мурдагы депутаты Мээрбек Мискенбаев суракка чакырылды.
Партиянын расмий өкүлү Кундуз Жолдубаева билдиргендей, Мискенбаев ИИМдин Тергөө кызматына Кой-Ташта 7-8-августта болгон окуяларга байланыштуу суракка чакырылды.
7-августта мурдагы президент Алмазбек Атамбаевди кармоо операциясы ишке ашпай калган. Операция учурунда күч органдары менен мурдагы президенттин тарапкерлери кагылышып, бир нече киши жараат алды. Атамбаевдин тарапташтары атайын кызматтын алты аскерин 7-августта барымтага алып, эртеси коё беришкен.