Бишкек шаарынын мэри Эмилбек Абдыкадыров эки орун басарга жана башкармалыктын жетекчисине сөгүш жарыялады. Бул тууралуу мэрияда шаардын бюджетинин планынын аткарылышы боюнча өткөн жыйында белгилүү болду.
Жыйында 3-кварталда салыктык эмес кирешелер боюнча план 34%га аткарылбаганы айтылды.
Буга байланыштуу мэрдин биринчи орун басары Мирланбек Байгончоковго, вице-мэр Нурдан Орунтаевге жана муниципалдык менчикти башкаруу башкармалыгынын башчысы Талант Рыскулбек уулуна сөгүш жарыяланды.
