Президент Садыр Жапаров “Гендердик теңчилик маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө” Кыргыз Республикасынын Мыйзамына кол койду.
Мыйзам 2026-жылдын 4-июнунда Кыргыз Республикасынын Жогорку Кеңеши тарабынан кабыл алынган.
Мыйзам адамдын жашоо — тиричилигин саясий, социалдык, экономикалык, маданий жана башка тармактарында эркектер менен аялдарга бирдей укуктарды жана мүмкүнчүлүктөрдү берүү чөйрөсүндөгү укуктук жөнгө салууну өркүндөтүү максатында кабыл алынган.
Мыйзам менен Кыргыз Республикасынын төмөнкү мыйзамдарына өзгөртүүлөрдү киргизүү каралган:
1) “Эркектер менен аялдар үчүн бирдей укуктар менен бирдей мүмкүнчүлүктөрдүн мамлекеттик кепилдиктери жөнүндө” Кыргыз Республикасынын Мыйзамына, мамлекеттик жана муниципалдык кызматка кирүүдө, кызматтан көтөрүлүүдө, ошондой эле эмгек чөйрөсүндө гендердик зомбулуктун жана сексуалдык асылуулардын алдын алуу жана бөгөт коюу жана гендердик басмырлоо үчүн жоопкерчилик жаатында мамлекеттик органдарда жана жергиликтүү өз алдынча башкаруу органдарында гендердик өкүлчүлүктү камсыз кылуу бөлүгүндө;
2) “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамына, мамлекеттик жарандык кызматтын жана муниципалдык кызматтын бош кызмат ордуна дайындоодо бир жыныстагы адамдардын 70 пайыздан ашпаган гендердик өкүлчүлүгүн сактоо жөнүндө талапты белгилөө бөлүгүндө;
3) “Үй-бүлөлүк зомбулуктан сактоо жана коргоо жөнүндө” Кыргыз Республикасынын Мыйзамына, үй-бүлөлүк зомбулуктан сактоону жана коргоону жүзөгө ашыруучу субъекттердин үй-бүлөлүк зомбулуктан сактоо жана коргоо маселелери боюнча квалификациясын жогорулатуу, ошондой эле үй-бүлөлүк зомбулук боюнча мониторингдин, эсепке алуунун жана отчеттуулуктун механизмин кайра кароо боюнча жоболорду белгилөө бөлүгүндө;
4) Кыргыз Республикасынын Кылмыш-жаза кодексине, ушул Кодекстин 189-статьясынын 1-бөлүгүнө өзгөртүү киргизүү бөлүгүндө, ага ылайык адамдын тең укуктуулугун этиятсыздыктан олутуу залал келтирген бузуу, атап айтканда укуктарын түз же болбосо кыйыр чектөө, анын ичинде укукту ишке ашырууга тоскоолдук кылуу же болбосо андай мүмкүнчүлүктөн ажыратуу же жынысына, расасына, улутуна, тилине, майыптыгына, этностук таандыктыгына, дин тутуусуна, курагына, саясий же башка ынанымдарына, билимине, тегине, мүлктүк же башка абалына жараша түз же болбосо кыйыр артыкчылыктарды белгилөө үчүн жоопкерчилик белгиленүүдө.
Президент Садыр Жапаров “Жол кыймылынын коопсуздугун камсыз кылуу маселелери боюнча Кыргыз Республикасынын айрым мыйзам актыларына …
Жогорку Кеңештин жыйынында «Кыргыз Республикасынын референдуму жөнүндө» конституциялык мыйзам долбоору каралып, экинчи жана үчүнчү окууда …
Президент Садыр Жапаров «Тышкы миграция жөнүндө» мыйзамга өзгөртүүлөрдү киргизүү тууралуу мыйзамга кол койду. Өзгөртүүлөргө ылайык, …
Жогорку Кенештин депутаттары «Кыргыз Республикасынын Жогорку Кеңешинин Регламенти жөнүндө» мыйзамына өзгөртүүлөрдү киргизүү тууралуу» мыйзам долбоорун …
Кыргыз Республикасынын Президенти Садыр Жапаров “Кыргыз Республикасынын мамлекеттик сыйлыктары, ардак наамдары жана мамлекеттик сый акылары …
Ички иштер министрлиги жол кыймылынын эрежелерин бузган айдоочулардан жеринде планшет менен тест алууну караган мыйзам …
