Жыл башынан бери шаардык бюджетке 4 млрд сом түштү. Бул тууралуу борбор калаанын мэри Эмилбек Абдыкадыров маалымат жыйында билдирди.
«Жергиликтүү бюджетке 2022-жылдын январынан апрелге чейин 3 миллиард 910 миллион 6 миң сом түштү»,-деди ал.
Кошумчалай кетсек, Бишкек шаарынын мэри Эмилбек Абдыкадыров бүгүн маалымат жыйын куруп, кызматка келген 100 күн ичинде жасаган иштери тууралуу баяндама жасап жатат.
Абдыкадыров үстүбүздөгү жылдын 24-февралында президент Садыр Жапаров кол койгон жарлыкка ылайык, Бишкек шаарынын мэри болуп дайындалган.