Жай айында «Камбар-Ата-1» долбоорунун курулушу башталат. Бул тууралуу бүгүн, 31-мартта Энергетика министри Доскул Бекмурзаев маалымат жыйын учурунда билдирди.
«Алгачкы курулуш иштерине 20 млн доллар каралган. Курулуш иштери июнь-июль айларында башталат. Бул долбоор Кыргызстанга гана эмес коңшу мамлекеттерге да пайдасы тиет. Май айында коңшу өлкөлөрдүн президенттери келип, канча көлөмдө инвестиция салынары сүйлөшүлөт. «Камбар-Ата-1» отуз жылдан бери айтылып келе жаткан ири долбоор. Курулуш ишине коңшу өлкөлөр кошулбаса Кыргызстан өз күчү менен куруп бүтүрсө болот»,-деди ал.