Борбор калаанын ЖЭБинде орун алган аварияга байланыштуу Бишкекте өзгөчө кырдаал жарыялоого эч кандай негиз жок. Бул тууралуу бүгүн, 2-февралда өзгөчө кырдаалдар министри Бообек Ажикеев билдирди.
«Турак үйлөрдө температура сакталууда. Электр энергиясы үзгүлтүксүз берилүүдө. Норма боюнча үйлөрдөгү температура +18+21 градус болушу керек. Үйлөрдөгү температура өмүргө коркунуч туудурган деңгээлге түшпөйт”, — деди ал.