Момбеков: «Коопсуз шаар» долбоорунда мафиялык мандем, коррупциялык тандем бар

Бишкек. 29.11.2018. Govori.TV

Жогорку Кеңештин жалпы жыйынында эл өкүлү Рыскелди Момбеков «Коопсуз шаар» долбоорун ишке ашырууда толгон-токой коррупциялык иштер бар экенине токтолду.

Анда ал «Коопсуз шаар» долбоору эмнеге ишке ашпай калганын Зарылбек Рысалиев менен Иса Өмүркуловдон сураса көп нерсе айтып бере турганын айтты.

«Коопсуз шаар» долбору эмнеге ишке ашпай калган деп биринчи жок дегенде сурап койбойсуңарбы. Кайсы вице-премьер кимден эмне сураганын генерал Зарылбек Рысалиевден сурасаңар, айтып берет. Англичандар 10 миллион долларга ишке беребиз дегенин Иса Шейшенкуловичтен сурагыла. «Кыргызтелекомдун» мурдагы башчысы Нурдин Мадеминовдон «эмне үчүн сен «Коопсуз шаарды» Жогорку Кеңеште 10 миллион долларга «Кыргызтелекомдун» базасында ишке ашырам дедиң» деп сурагыла», — деди Момбеков.

Депутат ага улай эле бул долбоор ары кооптуу, ары жооптуу маселе экендигин да айта кетти.

«Бүгүнкү күндөгү өкмөт жолдоп, кээ бир менин кесиптештерим колдоп келе жаткан «Коопсуз шаар» — өтө кооптуу долбоор. Бул безопасностный эмес, опасный проект. Бул жерде документтерди карай турган болсок, мафиялык мандем, коррупциялык тандем бар. Ал үчүн эксперт жалдаштын деле кереги жок. Булар «Коопсуз шаарды» ушунчалык мыйзам бузуу менен алып келе жатат. Соттун чечими күчүнө кире электе булар келишимди күчүнө киргизип койду. Бюджет Жогору Кеңешке келе элек, булар 2019-жылдын бюджетине 260 миллион сомду киргизип койду. Анысы аз келгенсип, атыла элек аюунун терисин бөлүштүргөнсүп айып пулдардын 30 пайызын мэрия, ИИМ 20, УКМК 5 пайызын алат деп алышыптыр. Бул кандай? Муну кандай түшүнөбүз?» — деп сурады Момбеков.

Мындан сыркары бул долбоордогу бир комплекстин баасы бир жылда эле 100 миң долларга кымбаттап кеткенин айтты.

«Азыр 35 миллион долларга киргизип жатасыңар. Мурда 85 миллионго каршы болушкан. Анда 422 комплекс болуп, ар биринин баасы 200 миң доллар болчу. Азыр 35 миллион долларга 110 комплексти берип жатасыңар. Бир комплекстин баасы 300 миң доллар болуп жатат. Эмне үчүн бир жылда 100 миң долларга көбөйүп кетти?» — деди Момбеков.

Депутат коррупциянын чордону ушул жерде экенин баса белгиледи.

Кошумсалай кетсек, «Коопсуз шаар» долбоорун ишке ашыруу үчүн россиялык «Концерн радиостроения «Вега» компаниясы менен ноябрь айынын башында Маалымат технологиясы жана байланыш боюнча мамлекеттик комитет келишимге кол койгон.

https://www.facebook.com/nextvchannel/videos/2376978742529293/?q=%20%D0%BC%D0%BE%D0%BC%D0%B1%D0%B5%D0%BA%D0%BE%D0%B2%20%D0%BA%D0%BE%D0%BE%D0%BF%D1%81%D1%83%D0%B7%20%D1%88%D0%B0%D0%B0%D1%80&epa=SEARCH_BOX

Подписаться:

Тема боюнча

Кытай компаниясынан «Коопсуз шаардын» камералары алынат

«Коопсуз шаар» долбоорунун камераларын келтирилген зыяндын эсебинен санариптик өнүктүрүү министрлигинин карамагына Кытай компаниясынан алуу процесси …

Кененирээк

Соңку жаңылыктар: Коронавирустан 4 адам көз жумду. «Коопсуз шаар» камералары Ош жана Токмокто орнотулууда

КОРОНАВИРУС БОЮНЧА АБАЛ Коронавируска каршы республикалык ыкчам штабдын 2-сентябрдагы маалыматына караганда, соңку бир суткада вирустан …

Кененирээк

“Коопсуз шаар” долбоору боюнча айып пулдан 1,7 млрд сом чогулду

“Коопсуз шаар” долбоору боюнча жалпы Жол кыймылынын эрежесин бузуу тууралуу 2 млн 373 миң 355 …

Кененирээк

««Вега» чиновниктердин айып пулун чийип коюп жатат». ЖКда компаниянын ишмердүүлүгүн текшерүү сунушталды

Жогорку Кеңеште «Вега» компаниясынын ишмердүүлүгүн текшерүүчү депутаттык комиссия түзүү тууралуу сөз козголду. Депутат Айбек Осмоновдун …

Кененирээк

“Коопсуз шаардын” айып пулдарынын көлөмүн азайтуу сунушталды

Жогорку Кеңештин жыйынында «ар кандай» маселелер саатында депутат Марлен Маматалиев “Коопсуз шаардын” айып пулдарынын көлөмүн …

Кененирээк

Бишкекте «Коопсуз шаардын» 44 камерасы орнотулат (даректер)

Жакынкы аралыкта Бишкекте «Коопсуз шаардын» 44 камерасы орнотулат. Жол кыймылынын коопсуздугун камсыздоо башкы башкармалыгынан билдиришкендей, …

Кененирээк