Бишкек. 12.03.2019. Govori.TV
Москвада кыргызстандык башкарган такси жарык орнотулган түркүктү сүзүп эки адам каза болуп, айдоочу камакка алынган. Бул тууралуу Кыргызстандын Орусиядагы элчилиги билдирди.
Маалыматка ылайык, кырсык 8-мартта катталган. Айдоочу унааны башкара албай, столбаны сүзгөн. Кырсыкта 28 жаштагы аял жана 30 жаштагы эркек киши каза болгон.
«Кыргызстандык айдоочу камакка алынды. Кылмыш иши козголду», -деп билдиришти элчиликтен.
Бүгүн каза болгон жарандардын сөөгү мекенине жөнөтүлөт.
