Н. Куренкеев атындагы музыкалык окуу жайдын имаратында өрт кырсыгы катталды. Бул туурасында ӨКМнин басма сөз кызматы билдирди.
Маалыматка караганда, бүгүн, 16-октябрь күнү саат 01:00 чамасында Ош шаарынын Ленин көчөсү №198 дарегиндеги Н. Куренкеев атындагы музыкалык окуу жайдын имаратында өрт чыккандыгы тууралуу маалымат түшкөн.
Өрттү өчүрүүгө саат 01:01де КР ӨКМнин Ош шаардык №12 Аскерлештирилген өрт-куткаруу бөлүгүнөн (АӨКБ) 1 бөлүм, саат 01:05те кошумча 1 бөлүм, саат 01:10до КР ӨКМнин №13 АӨКБдан 1 бөлүм, жалпы 3 бөлүм тартылган.
Ал эми өрт саат 01:29да чектөөгө алынып, саат 02:42де толук өчүрүлгөн.
Өрттүн кесепетинен имараттын болжол менен 80 чарчы метр аянты, музыкалык аспаптар, отургучтар жана курулуш материалдары күйгөн.
