Бишкек.19.03.2019.Govori.TV.
Араван РИИБнын кызматкерлери мыйзамсыз баңгизат сатып жүргөн кылмыштуу топту колго түшүрдү. Бул тууралуу Ош облустук ички иштер башкармалыгынын басма сөз кызматы билдирди.
Маалыматка караганда, 16-мартта Сырт айылынын 1982-жылы туулган тургуну жана ушул эле айылдын 1995-жылы туулган тургуну баңгизат сатуу максатында өздөрүнүн унаасында бара жаткан жеринен кармалышты. Алардын жанынан 120 грамм баңгизаты табылды.
Тергөөнүн жүрүшүндө колго түшкөн жарандар баңгизатты Араван районунун 1970-жылы туулган тургуну Н.Д.дан алганын айтышкан. Ыкчам иш-чаралардын жүрүшүндө Н.Д.нын үйү тинтүүгө алынып, жалпы салмагы 874,65 граммды түзгөн баңгизат жана 1,2 грамм баңгизаттын уругу табылды.
