Самарбек Болотбеков 11-июнда Нарын шаарынын мэри болуп шайланды.
Болотбековдун талапкерлигин шаардык кеңештеги 31 депутаттын ичинен 19у жактырды.
Нарын шаардык мэриясынын басма сөз кызматы билдиргендей, калаа башчылыкка Самарбек Болотбеков жана «Таза-Нарын» муниципалдык ишканасынын директору Алмаз Суранов талапкерлигин койгон. Буга чейин шаарды Нурбек Молдокадыров жетектеген.
Самарбек Болотбеков 37 жашта. Жаңы шайланган мэр Нарын шаарында туулуп-өскөн.