Нарын облусунда дагы 15 адамдан коронавирус жуктургандар катталды. Бул тууралуу саламаттыкты сактоо министринин орун басары Мадамин Каратаев өлкөдөгү эпидемиологиялык абал боюнча брифингде билдирди.
«14-май саат 10:00го карата Нарын облусундагы 15 учурду кошкондо 38 учур катталды. Бул маалымат бизге чукул келди. Республиканын аймагында коронавирус жуктургандар 1082ге жетти. 15 учур боюнча кошумча маалымат берилет»,-деди Каратаев.