Нарында күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы кабарлады.
Сейсмология институтунун маалыматына ылайык, саат 07:59да Нарын облусунун аймагында очогунда күчү 3,5 баллга жеткен жер титирөө катталган.
«Жер титирөө Нарын районунун Куланак айылында 3,5 балл, Достук, Учкун айылдарында 3 баллга, Ак-Булак айылында 2,5 баллга чейин сезилген»,-деп айтылат маалыматта.
Жер титирөөдөн жабыркагандар жана кыйроолор катталган жок.