Курулуш министрлиги тарабынан Нарын шаарындагы легендарлуу В.Чкалов атындагы мектепке 500 орундуу кошумча корпус курулууда.
Мекеме тараткан маалыматка ылайык, долбоор 2023-жылдан бери ишке ашырылып, республикалык бюджеттен каржыланып келет.
Кошумча корпус “Г” формасында курулуп, заманбап үч кабатуу окуу корпусунан, өтмө галерея жана спортзалынан турат. Быйыл жыл аягына чейин мектепти толук бүткөрүү пландалууда.
