«GOVORI.TV” мультимедиялык маалыматтык агенттиги медиа айдыңындагы “Кыйын” аталышындагы телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында тренинг өткөрдү. Ага өлкөбүздүн 7 дубанынан алдыңкы айымдар келген. Алардын бири Нарынгүл Асаналиева.
Нарын облусуна караштуу Ак-Талаа районундагы Чолок айылынан келген. Мектепте 27 жылдан бери мугалим болуп иштейт, 4 баланын апасы.
«Буга чейин социалдык педагог, мектептин директору болуп иштегем. Мурда балдар майда болуп, үйдөгү жумуштар менен алек болчубуз. Азыр колум бошоп, айылыбыздын өнүгүшүнө салым кошконго мүмкүнчүлүк бар»,-деди Асаналиева.