Берлинден Москвага учуп барганда камакка алынган россиялык оппозиционер Алексей Навальный өзүнүн YouTube-каналына видео жарыялады. Андагы кооз сарай президент Владимир Путинге тиешелүү экенин жана айланасындагы адамдар каржылаганын айткан.
Видеотасманын кириш сөзүндө иликтөөдөгү башкы каарман – Владимир Путинден коркпостон бул тасманы Навальный Россияга кайткандан кийин жарыялоону пландаганы айтылган.
Алексей Навальныйдын командасынын «Путиндин сарайы» тууралуу тасмасы 6 сааттын ичинде YouTube каналында 10 миллион көрүүчү топтогон. Бул тууралуу саясатчынын пресс-катчысы Кира Ярмыш Твиттерде жарыялады. Видеонун өзү Россиянын YouTube тренддеринде алдыңкы орунга чыккан.
