Next TV телеканалынын директору Таалай Дүйшөмбиевдин бөгөт чарасы дагы узартылды. Бишкектин Биринчи Май райондук сотунун чечими менен ал 3-августка чейин камакта калтырылды.
Быйыл 3-мартта кармалган, ошондон бери УКМКнын тергөө абагында отурган жетекчинин бөгөт чарасы ушуну менен үчүнчү жолу каралып, мөөнөтү узартылып жатат.
Атайын кызмат быйыл 3-мартта Next TV телеканалына каршы «улут аралык кастыкты козутуу» деген айып менен иш козгоп, директорун камакка алган, телеканалдын эфири үзгүлтүккө учураган.