Нур-Султан шаарындагы Кытайдын элчигинин алдында жалгыз адам пикетке чыгып, Шинжаңда камакта отурган инисин бошотууну талап кылды. Алматынын тургуну Байболат Күнболотулы иниси Баймурат 702 күндөн бери абакта отурганын, анын өлүү же тирүү экенин билбей турганын айтып берди. Ал бир тууганынын сүрөтү менен кошо «Иниме боштондук!», «702» күн деген жазууларды да көтөрүп турду.
«Кытайдагы туугандарым кысымдан коркуп, телефонго жооп беришпейт. Инимди бошотмоюнча пикетке чыга берем», — деди Байболат.
Анын айтымында, 30 жаштагы иниси Баймурат эки жыл мурда кармалып, «саясий лагерге» жөнөтүлгөн. Кийин белгисиз себептер менен 10 жылга соттолуп кеткен. Элчиликтин алдындагы пикетке алты полиция кызматкери көз салып, алардын бирөө видеого тартып жатты. Түшкө жуук Кытайдын элчигинин бир кызматкери Күнболотулынын кайрылуусун алып, үч күн ичинде жооп берерин билдирди.
Соңку бир канча жылдан бери Кытайдын Шинжаң-Уйгур автоном районунда уйгур, казак жана кыргыз сыяктуу улуттардын өкүлдөрү саясий лагерлерге негизсиз кармалып жатканы кабарланып жүрөт. Расмий Бээжин Шинжаңда мусулман коомчулугунун укугу бузулду деген маалыматтарды четке кагып, саясий лагерлерди кесипке үйрөтүүчү борборлор катары мүнөздөп келет.
Булак: Азаттык
Бүгүн Жогорку Кеңештин төрагасы Нурланбек Шакиев Кытай Эл Республикасынын Кыргызстандагы элчиси Ду Дэвэнди кабыл алды. …
26-сентябрда Өзбекстандын Инвестиция, өнөр жай жана соода министрлиги менен Кытайдын BYD конгломератынын ортосунда Өзбекстанда электр …
Өзбекстан кайрадан Кытайга газ экспорттой баштады. Бул тууралуу өзбек басылмалары Кытайдын Башкы бажы башкармалыгына шилтеме …
Президент Садыр Жапаровдун ушул жылдын 17-20-майында Кытай Эл Республикасына (КЭР) болгон биринчи мамлекеттик сапарынын жыйынтыгында …
Кыргыз Республикасынын Президенти Садыр Жапаровдун 17-20-майда Кытай Эл Республикасына болгон мамлекеттик сапары аяктады. Мамлекеттик сапарын …
ПРЕЗИДЕНТТЕР СИАНЬДА БАК ОТУРГУЗУШТУ Кыргызстандын президенти Садыр Жапаров бүгүн, 19-майда, Борбор Азия өлкөлөрүнүн лидерлери жана …
