Бүгүн, 15-октябрда Ооганстандын батышында күчү 6,3 баллга жеткен дагы бир жер титирөө катталды. 7-октябрдагы катуу зилзала 2 500дөй кишинин өмүрүн алган.
АКШнын Геологиялык көзөмөлдөө борбору 15-октябрдагы жер титирөөнүн очогу Герат шаарына 34 чакырым аралыкта орун алганын билдирди.
«Ассошиэйтед Пресс» агенттигинин жазганына караганда, силкинүүдөн жабыркагандар жана кыйроолор тууралуу расмий маалымат жок.
