Орусиянын Волгоград облусунда иске ууланып каза болгон тажикстандык 6 мигранттын өздүгү аныкталды.
Маалыматка караганда, алар Тажикстандын Жайхун районунун жана Бохтар шаарынын 20 жаштан 37 жашка чейинки курактагы тургундары болушкан. Волгограддагы тажиктер коомунун төрагасы Саидахмад Махмадов аймактагы Рахинка айылындагы күнөсканада иштеген мигранттар 26-январга караган түнү иске ууланып каза болгонун билдирди.
«Күнөсканада бензин генератору иштеп турган. Андан чыккан газ түз эле күнөскананын ичине тараган. Алгач мигранттардын бири араба алуу үчүн күнөсканага кирип, тумчугуп чыга албай калган. Андан соң биринин артынан бири кирип жатып алты мигрант өлгөн. Жетинчи мигрант тирүү калган, ал азыр ооруканада дарыланып жатат», — деди ал.
Орусиянын бийлиги тажикстандык алты мигранттын өлүмү боюнча тергөө иштери башталганын билдирди. Алардын айтымында, тажик жарандары Орусияда мыйзамдуу иштеп жүрүшкөн, бирок » күнөсканада иштөөдө коопсуздук чараларын сакташкан эмес». Тажикстандын расмий маалыматына ылайык, бүгүнкү күндө Орусияда иштеп жүргөн тажик жарандарынын саны жарым миллионго жетет. Ошол эле маалда Орусиянын расмий адамдары өлкөдө 1 миллиондон ашык тажикстандык бар экенин билдирип келишет.
Өзбекстандын Самарканд облусундагы Акдарыя районунда үч киши иске ууланып каза болду. Бул тууралуу өлкөнүн Башкы …
Өзгөн районундагы Мырза-Аке айылында үч наристе иске ууланып чарчап калды. Бул тууралуу Ош облустук милициясынын …
Тоолуу-Бадахшан автоном облусунун административдик борбору Хорог шаарында кар көчкү түшүп, 10 киши каза болду. Бул …
Түркиядагы зилзаладан каза болгондордун саны 18 миңден ашты. Бул тууралуу жума күнү вице-президент Фуат Октай …
Өзбекстанда ноябрдын аягында башталган энергетикалык каатчылык 30дан ашык кишинин өлүмүнө себепкер болду. Жергиликтүү басылмалардын маалыматына …
Индиянын батышындагы Морви шаарындагы жүргүнчүлөр өткөн көпүрө кыйрап, бери дегенде эле 60 киши каза болду. …
