Өзбекстандын Самарканд облусундагы Акдарыя районунда үч киши иске ууланып каза болду. Бул тууралуу өлкөнүн Башкы прокуратурасы 25-октябрда билдирди.
Мекеменин маалыматына караганда, кырсык 15-октябрда «Тараккиет» аттуу кичи райондогу үйлөрдүн биринде катталган. Каза тапкандардын экөө кичинекей балдар болгон – бирөө 3-класста окуса, экинчиси төрт жашта болгон.
Жергиликтүү прокуратура бул окуяга байланыштуу кылмыш ишин козгоду.
Өзбекстанда жыл сайын күз-кыш мезгилинде жүздөгөн адам иске ууланып каза болот.
2022-жылы ноябрда 10 күндүн ичинде эле Өзбекстандын аймагында 30 киши, анын ичинде кичинекей балдар иске ууланып каза тапкан.