Мамлекеттик Думага шайлоонун жыйынтыгы белгилүү болду. Алдын ала жыйынтыкка ылайык, “Бирдиктүү Орусия” партиясына добуштардын дээрлик 50 проценти (49,8) тийди. КПРФ – 19, ЛДПР– 7 жарым проценттен бир аз ашыгырак, “Адилет Орусия” – 7 жарым процентке жакын добуш алды. Думага 2003-жылдан бери алгачкы жолу дагы бир партия – “Жаңы адамдар” кирди.
Бир мандаттуу чөлкөмдөрдө «Бирдиктүү Орусиянын” талапкерлери басымдуу көпчүлүгүндө же 198синде жеңди.
Эске салсак, Орусияда Мамлекеттик Дума жана жергиликтүү кеңешке шайлоо 17-19-сентябрда өтүп, добуш берүүгө келгендер 51 пайыздан ашкан.
