Орусиядан Бишкекке 426 кыргызстандык учуп келди. Арасында медицина кызматкерлери да бар. Бул тууралуу Тышкы иштер министрлигинен кабарлашты.
Маалыматка ылайык, бүгүн «Аэрофлот – Российские авиалинии» компаниясынын учагы менен Орусиядагы ЖОЖдордо окуган кыргыз студенттер, кош бойлуу аялдар, балалуу энелер, операция болгон бейтаптар жана жакындарын жоготкон адамдар да келди.
«Москва — Бишкек каттамы менен КРдин 426 жараны мекенине кайтып келди. Алардын арасында 45 дарыгер бар. Ак халатчандар Кыргызстандагы кесиптештерине коронавирус, пневмония менен жабыркаган бейтаптарды айыктырууга жардамдашат», — деп айтылат маалыматта.