Быйыл Орусиянын Тажикстандагы 201-аскердик базасына 70тен ашык жаңы аскердик техника жеткирилет. Бул тууралуу Орусиянын Борбордук аскер округунун командачысы Александр Лапин билдирди.
Анын айтымында, ушундай эле аскердик жардам Орусиянын Кыргызстандагы базасына да берилет.
Азырынча коңшу эки өлкөгө аскердик техникалардын жеткирилиши боюнча кеңири маалыматтар жок.
2021-жылы августта Ооганстанда бийликке талибдер келгенден кийин Тажикстандагы орусиялык базага көптөгөн курал-жарактар берилген. Алсак, өткөн жылдын ноябрь жана декабрь айларында 201-базага Т-72Б3М үлгүсүндөгү модернизацияланган 30 танк, АК-12 автоматтары, Ярыгин тапанчалары, ири калибрдеги АСВК-М снайпер мылтыктары жана «Шмель» пулемету жеткирилген.
Мындан тышкары өткөн жылы Тажикстанда Орусия баштаган Жамааттык коопсуздук келишим уюмунун бир нече аскердик машыгуулары да өткөн.
Тажикстандагы 201-база – Орусиянын чет өлкөдөгү эң ири аскердик объектилеринин бири. Ал Душанбе менен Бохтар шаарында жайгашкан. Базанын курамында 7 миң жоокер жана офицер бар.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
