Бүгүн, 5-февралда Бишкектеги Ош базарынын тегерегинде соода кылгандар өкмөт үйүнүн алдына нааразычылык акциясына чыгышты. Алар базардын айланасындагы соода-сатыкка тыюу салынышына нааразы.
Топтолгондор «Өкмөт өкүлдөрү чыксын!» деп кыйкырып, президент Садыр Жапаровго маселени чечип берүүнү талап кылышты.
Нааразы тарап менен Ленин райондук акими Чынасыл Чыныбаев жолугушуп, башаламан соода-сатыкка жол берилбей турганын билдирди.
Буга чейин мэрия Ош базарынын айланасын башаламан соода-сатыктан тазалаган. Акцияын катышуучуларынын айтымында, аталган базардын айланасында миңден ашуун сатуучу иштейт.