Бишкек шаарындагы Ош базарда көпүрөдөн кулап кеткен адам каза болду. Бул тууралуу Бишкек шаарынын Ленин райондук ички иштер башкармалыгынан билдиришти.
Белгиленгендей, 19-январь күнү саат 14:54тө Ош базарынын жанындагы көпүрөдөн эркек адам кулап кеткени тууралуу маалымат милицияга түшкөн.
Окуя болгон жерге барган ыкчам-тергөө тобу маркумдун өздүгүн такташкан. Ал 1971-жылы туулган К.А. экени аныкталып, соттук-медициналык экспертиза дайындалды.