Оштун Кара-Суу районуна караштуу Курбан-Кара айылындагы Савай каналына 23 жаштагы жаран чөгүп кетти. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, ал 1999-жылы туулган М.С. аттуу (эркек киши) жаран болгон.
«Жерине Кара-Суу райондук №102 Өзгөчө кырдаалдар бөлүмүнөн 4 куткаруучу тартылып, издөө иштери жүргүзүлгөн, бирок натыйжа болгон эмес. Кечээ караңгы киргендигине байланыштуу издөө иши токтотулган»,-деп айтылат мааылыматта.
Издөө иштери бүгүн уланат.