Ошто 28 жаштагы футбол машыктыруучусу Темирлан Бактыбек уулунун жансыз денеси өз иш бөлмөсүндө табылган.
Сөөк табылганы тууралуу маалымат милицияга 23-апрелде келип түшүп, окуя болгон жерге ыкчам-тергөө тобу барган. Соттук-медициналык экспертиза дайындалган.
Маркум эмгектенип келген Асылбек Момунов атындагы футбол академиясында машыктыруучунун каза болгону социалдык тармактар аркылуу тастыктады.
Андагы маалыматтар боюнча 28 жаштагы машыктыруучунун жүрөгү токтоп калган.