Ош шаарынын мектептеринде 1- класстар 30-ноябрдан тартып салттуу түрдө окуй баштайт. Бул тууралуу Ош шаарынын мэриясы кабарлады.
20-ноябрда Ош шаарында эпидемиологиялык абалды талкуулоо үчүн республикалык штабдын Оштогу координатору, мэрия өкүлдөрү жана билим берүү тармагынын өкүлдөрү катышкан жыйын өттү.
“Штаб 6-октябрдан баштап аралыктан окуп жаткан 1-класстын окуучуларын 30-ноябрдан тарта мектепте окутууну чечти. Болгону алар санитардык эрежелерди сакташы керек”, — деп айтылат маалыматта.
Ошондой эле менчик мектептер менен бала бакчалар эшигин ачат. Бирок мамлекеттик бала бакчалар азырынча иштебей турганы белгилүү болду.