Оштун Кара-Суу районуна караштуу Кашкар-Кыштак айыл өкмөтүндө 3-класстын 6 окуучусу ууланып, Ош облустар аралык бириккен клиникалык балдар ооруканасына түштү. Маалыматты Govori.TVга аталган оорукананын башчысынын орун басары Жыргал Кадыров тастыктады.
Маалыматка ылайык, 2-февраль күнү саат 14:10дор чамасында балдар белгисиз нерседен ууланып, облустук ооруканага келип түшкөн. Алтоонун бирөө жандандыруу бөлүмүнө жаткырылган. Ал эми эки окуучунун абалы жакшырып, кечээ, 3-февраль күнү, үйүнө чыгарылды.
Ага ылайык, алты окуучу тең айылдагы Дадан Султанов атындагы жатак интернатында билим алышчу.
«Учурда төрт окуучу неврология бөлүмүндө дарыланып жатат»,-деп айтылат маалыматта.
Алардын эмнеден уулангандыгы азырынча белгисиз.