Ошто батирден эркек кишинин жансыз денеси табылды. Бул тууралуу ӨКМдин басма сөз кызматынан кабарлашты.
Маалыматка ылайык, 10-апрель күнү Алай көчөсүндө жайгашкан көп кабаттуу үйдүн батирдин тургуну байланышка чыкпай жаткандыгы жана батирдин эшиги бекилип калгандыгы тууралуу маалымат түшкөн.
Жерине Ош шаардык куткаруу кызматынын 4 куткаруучусу тартылып, батирдин бекилип калган эшигин ачышканда, ичинде 53 жаштагы А.М. аттуу эркек кишинин жансыз денеси табылган.
Куткаруучулар маркумдун жансыз денесин ИИМ кызматкерлерине өткөрүп беришкен.