Ош шаарында «Аль-Мансур» кафесинде өрт чыкты. Бул тууралуу Өзгөчө кырдаалдар министрлигинен кабарлады.
Маалыматка ылайык, өрт бүгүн, 5-октябрга караган түнү саат 01:00 чамасында Масалиев көчөсүндө жайгашкан «Аль-Мансур» кафесинен чыккан. Өрттү өчүрүүгө жалпы 6 бөлүм тартылган. Кафенин 150 чарчы метри толугу менен күйгөн.
Кырсыктын кесепетинен жабыркагандар жана каза болгондор жок. Өрт саат 02:37де толугу менен өчүрүлүп, учурда териштирүү иштери уланууда,-деп айтылат маалыматта.