Ош облусунда очогунда күчү 3 жарым баллга жеткен жер титирөө катталды. Бул тууралуу Сейсмология институтунан билдиришти.
Маалыматка ылайык, жер титирөө 24-май күнү саат 18:26да катталган.
«Жер титирөөнүн очогу Жар-Башы айылынан 4 чакырым түштүк-чыгыш, Күлчү айылынан 6 чакырым түштү-чыгыш, Шибээ айылынан 15 чакырым түндү-чыгыш, Ош шаарынан 130 чакырым түштүк-батыш тарапта жайгашкан. Калктуу конуштарында жер титирөөнүн күчү — Күлчү, Жар-Башы айылдарында — 3 балл, Шибээ айылында 2 жарым баллга чейин сезилди», — деп айтылат маалыматта.