Бүгүн, 21-августта Париж шаарында (Франция) 28-августтан 8-сентябрга чейин өтө турган XVII жайкы Паралимпиада оюндарына Кыргызстандын Паралимпиадалык курама командасын узатуу иш-чарасы болуп өттү. Бул тууралуу Маданият, маалымат, спорт жана жаштар саясаты министрлиги маалымдады.
Узатууга Министрлер Кабинетинин Төрагасынын орун басары Эдил Байсалов, Маданият министри Алтынбек Максүтов, машыктыруучулар жана спортчулар катышты.
Байсалов курама команданы узатып жатып, оюнчуларды лицензия алышы менен куттуктап, алардын жетишкен ийгиликтери үчүн сыймыктанарын билдирди.
Бул жолку XVII жайкы Паралимпиада оюндарына пауэрлифтинг, триатлон, жеңил атлетика жана дзюдо сыяктуу спорттун түрлөрү боюнча 4 спортчу катышат.
“Сиздердин жетишкендиктериңиздер жана спорт – баарыбызды бириктирүүгө, ар бирибизди күчтүү болууга жана жакшы жакка үндөп жатат. Сиздердин Паралимпиада оюндарына катышып жатканыңыздардын өзү эле жеңиш. Сиздердин кайратыңыздар жана жеңишке болгон эркиңиздер биздин өлкөнү гана эмес, бүткүл дүйнөнү шыктандырат. Сиздерге ийгилик жана чоң жетишкендиктерди каалайм. Сиздердин жолуңуздарда ар дайым жаңы жетишкендиктерге орун болуп, күн сайын кыялдарыңыздарга жакындата берсин”, – деди Байсалов.
МинКаб Төрагасынын орун басары мамлекеттик тууну Кыргызстандын Паралимпиада курама командасынын капитаны Маматибраим Сурановго тапшырды.
Кыргызстандын Паралимпиада курамасынын курамында: Гүлназ Жүзбаева (жеңил атлетика), Айтунук Жоомарт кызы (триатлон), Маматибраим Суранов (дзюдо), Миргүл Болоталиева (пауэрлифтинг) бар.
Кыргызстандын бокс боюнча курама командасы Монголиянын Улан-Батор шаарында өтө турган Азия чемпионатына катышат. Бул тууралуу …
Бишкекте футзал боюнча 2026-жылкы Азия Кубогунун «F» тайпасындагы тандоо оюндарынын жыйынтыктоочу туру орун алды. Кыргыз …
Министрлер кабинети Кыргызстандын олимпиадалык спорттук курама командаларынын мүчөлөрүн киреше салыгын төлөөдөн бошотуу чечимин кабыл алды. …
Футбол боюнча дүйнөлүк чемпионаттын тандап алуу оюндарынын алдында, футбол боюнча улуттук курама команданын башкы машыктыруучусу …
Парижде өткөн паралимпиада оюндарына Кыргызстандын атынан 4 спортчу катышты. Маматибраим Суранов дзюдо боюнча алгачкы беттешинде …
Париждеги паралимпиадага катышып жаткан Маматибраим Суранов мелдешин жыйынтыктаганы белгилүү болду. Ал 73 кг салмакта парадзюдо …
