Перуда 9-январдагы өкмөткө каршы нааразылык акцияларда 17 киши өлүп, дагы 68и жаракат алды. Бул тууралуу өлкөнүн түштүк бөлүгүндөгү Пуно аймагынын Саламаттык сактоо департаменти билдирди.
Бул өткөн жылы декабрда президент Педро Кастилього импичмент жарыялангандан кийин башталган нааразылык акциялардагы эң кандуу күн болуп калды. Башкармалыктын маалыматына караганда, каза тапкандардын арасында эки өспүрүм бар.
Департамент ошондой эле жаракат алган 28 полиция кызматкерин Хульяки аэропортунан эвакуациялоого мүмкүн болбой жатканын кабарлады. Перу бийлигинин маалыматына караганда, миңдеген демонстранттар полиция бөлүмүн жана аэропортту басып алууга аракет кылышкан.
Жалпысынан нааразылык акциялары башталгандан бери Перуда бери дегенде эле 39 адам каза болду. Акцияга чыккандар жаңы президент Дина Болуартенин отставкасын, парламентти таратууну, Конституцияны өзгөртүүнү жана мөөнөтүнөн мурда шайлоо өткөрүүнү талап кылууда. Мындан тышкары алар козголоңчу деген айып менен тергөө абагында отурган, күнөөнү моюнга албаган Кастильону бошотууга чакырып жатышат.
Болуарте мөөнөтүнөн мурда шайлоону 2024-жылдын апрелинде өткөрүүнү сунуштаган. Ал демонстранттардын башка талаптарын канааттандыра албасын айтып, перулуктарды «ойлонууга» чакырды.
Перунун мурдагы вице-президенти Дина Болуарте Перу конгресси Кастилього импичмент жарыялагандан кийин 7-декабрда президенттикке киришкен. Кастильо Конгрессти таратууга аракет кылганда эл өкүлдөрү анын өзүн отставкага кетиришкен.
Педро Кастильо 2021-жылдын июнь айында 51,2% добуш менен Перунун президенти болуп шайланган. Конгресс ага импичмент жарыялоого эки жолу аракет кылып, үчүнчүсүндө ишке ашкан.
Дина Болуарте Перунун тарыхындагы алгачкы аял президент.
Арменияда премьер-министр Никол Пашиняндын кызматтан кетүүсүн талап кылган акциялар уланууда. «Азаттык» радиосунун армян кызматынын 13-майдагы …
Ош облусунун Кара-Кулжа районунун Мырзаке-Кара-Кулжа-Алайкуу автоунаа жолунун 41-чакырымында унааны сел агызып, бир адам каза болду. …
Кытайга жүк ташып иштеген жүздөй айдоочу 20-декабрда Транспорт жана жол министрлигинин Ош шаарындагы башкармалыгынын алдына …
Бүгүн, 21-октябрда Бишкекте Газанын тургундарын колдоо акциясы өттү. Болжол менен 100гө чукул адам Максим Горький …
Бишкек-Ош жолунда эки унаа кагышып, беш киши каза болду. Бул тууралуу Жол кыймылынын коопсуздугун камсыздоо …
Жалал-Абаддын Базар-Коргон райондук милициясы изи сууй электе адам өлтүрүү фактысынын бетин ачты. Бул тууралуу облустук …
