Президент Садыр Жапаров Кыргыз Республикасынын “Кыргыз Республикасындагы оюн иши жөнүндө” мыйзамына жана Кыргыз Республикасынын “Оюн ишинин маселелери боюнча айрым мыйзам актыларына өзгөртүүлөрдү киргизүү жөнүндө” мыйзамына кол койду.
Мыйзамдар Кыргыз Республикасынын Жогорку Кеңеши тарабынан 2022-жылдын 22-июнунда кабыл алынган.
Мыйзамдын максаты инвестицияларды тартуу үчүн жагымдуу шарттарды түзүү жолу менен мамлекеттик бюджетке кошумча ресурстарды алып келүү болуп саналат.
“Кыргыз Республикасындагы оюн иши жөнүндө” мыйзам менен оюн ишмердүүлүгүнүн субьектилери Кыргыз Республикасынын мыйзамлары менен аныкталган тартипте каттоодон өткөн юридикалык жактар болору аныкталат, анын ичинде чет элдик.
Ыйгарым укуктуу орган тарабынан 10 жылдык мөөнөткө берилген лицензиянын негизинде жоопкерчилиги чектелген коом жана жабык акционердик коом формасындагы юридикалык жактар гана оюн ишмердүүлүүгү менен алектенүүгө укуктуу. Лицензия берүү Министрлер Кабинети аныктаган тартипте акы төлөө негизинде жүргүзүлөт.
Ошону менен бирге, оюн мекемеси балдар бакчасынын, мектептердин, ЖОЖдордун, башка окуу мекемелеринин, медициналык жана диний мекемелердин, маданий мекемелердин, ошондой эле турак-жай имараттарында жайгаша албайт.
Мындан тышкары, Кыргыз Республикасынын жарандары, 21 жашка чыга элек чет элдик жарандар, ишке жарамсыз чет элдик жарандары оюн жайларынын кардарлары боло албасы Мыйзам менен бекитилген.
“Оюн ишинин маселелери боюнча айрым мыйзам актыларына өзгөртүүлөрдү киргизүү жөнүндө” мыйзамы Кыргыз Республикасынын Кылмыш-жаза кодексине, Укук бузуулар жөнүндө кодексине, Салык кодексине, Бюджеттик кодексине, “Кыргыз Республикасындагы лицензиялык-уруксат берүү тутуму жөнүндө”, “Жарнама жөнүндө” Кыргыз Республикасынын мыйзамдарына өзгөртүүлөрдү киргизүүнү карайт.
Бул өзгөртүүлөр “Кыргыз Республикасындагы оюн-зоок иши жөнүндө” Кыргыз Республикасынын Мыйзамынын концепциясына жана максаттарына шайкеш келет. Белгилеп айтканда, Салык кодекси 62-бөлүм менен толукталууда, анда казинонун 1 оюн оюн ойнолуучу үстөлү (1 флот) үчүн салыктын өлчөмү 2022-жылы – 750,0 миң сомду, 2023-жылы – 1 000,0 миң сомду, 2024-жылдан тартып – 1250,0 миң сомду түзөт.
Президент Садыр Жапаровдун Азербайжан Республикасына 24-25-апрелде болгон мамлекеттик сапары аяктады. Сапардын алгачкы күнү Баку шаарында …
Азербайжандын лидери Ильхам Алиев президент Садыр Жапаровго карабак күлүгүн белек кылган. Белек Агдам шаарында Карабах …
Президент Садыр Жапаров бүгүн Баку шаарында Азербайжага болгон мамлекеттик сапарынын алкагында өлкө президенти Ильхам Алиев …
Бүгүн, 24-апрелде, Баку шаарында Кыргызстан менен Азербайжандын президенттери Садыр Жапаров жана Ильхам Алиевдин расмий жолугушуу …
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
Президент Садыр Жапаров “Кыргыз Республикасынын айрым мыйзам актыларына (Кыргыз Республикасынын Турак жай кодексине, “Аскер кызматчыларынын …
