Бүгүн, 31-октябрдагы Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин отурумунда «Кыргыз Республикасынын прокуратурасы жөнүндө» Кыргыз Республикасынын конституциялык мыйзамына өзгөртүүлөрдү киргизүү тууралуу” жана “Кыргыз Республикасынын Кылмыш-жаза процессуалдык кодексине өзгөртүүлөрдү киргизүү жөнүндө” мыйзам долбоорлорун биринчи окууда карап, жактырды.
«Прокуратура жөнүндө» мыйзамга жана Кылмыш-жаза процессуалдык кодексине өзгөртүү киргизүү жөнүндөгү Президент демилгелеген эки мыйзам долбоору боюнча депутаттарга Башкы прокурор Курманкул Зулушев маалымат берди.
«Негизги максат – Конституцияга жана башка мыйзам актыларына ылайык келтирүү, ички коллизияларды жоюу, мамлекеттик жана расмий тилдердеги кээ бир айырмачылыктарды бири-бирине дал келтирүү жана укук колдонуу тажрыйбасын эске алуу менен айрым жоболорду жакшыртуу».
Бул өзгөрүүлөр колдоо тапса прокурорлор сотко чейинки текшерүү жүргүзүүгө, анын жыйынтыгы менен кылмыш ишин козгоп, тергөө органдарына тиешелүүлүгүнө жараша өткөрүп берүүгө же козгоодон баш тартууга, мыйзамда каралган учурда иштерди бириктирүүгө жана бөлүүгө, кылмыш иштери боюнча мыйзам бузуу болсо төмөн турган прокурорду четтетүүгө шарт түзүлөт.
Талкууда, депутат Алишер Эрбаев мыйзам долбооруна карата коомдук угуу өткөрүү талабын сурады. “Коомчулукта прокуратура бул мыйзам долбоору менен кайрадан тергөөнү өзүнө алып жатат? деген суроолор бар”,- деди депутат. Депутат Эмил Жамгырчиев шайкеш келтирүү максатында демилгеленип жаткан мыйзам долбоорун колдоого аларын билдирди. Ошондой эле, депутат аскердик кылмыштарды тергеген аскер прокуратурасынын тергөөчүлүрүнүн штаттык бирдигин көбөйтүү маселесин демилгеледи. Депутат Динара Ашимова экологиялык маселелерди чечүү жана аткаруу багытында көзөмөл жүргүзгөн экология прокуратурасын уюштурууну тактап, министрликтердеги стратегиялык концепциялардын аткарылышын контролдоо жагын колго алууну сунуштады.
Президент Садыр Жапаров бүгүн, 10-апрелде Бишкек шаарындагы Имам Сарахсий атындагы борбордук мечитте Орозо айт майрамына …
2024-жылы 15-февралда президент Садыр Жапаров Фейсбуктагы баракчасында жарандардын жашырган мүлкүн легалдаштыруу мыйзамынын маанисин түшүндүргөн пост …
Профессор, тарых илимдеринин доктору жана Геральдика кеңешинин мүчөсү Каржаубай Сарткожаулы Казакстандын гербин өзгөртүү боюнча президент …
Президент Садыр Жапаров Кыргызстандын футбол боюнча курама командасынын башкы машыктыруучусу Штефан Тарковичке атасынын дүйнөдөн кайткандыгына …
Бүгүн президент Садыр Жапаровдун төрагалыгы астында мектепке чейинки жана мектептердеги билим берүүнү өнүктүрүүгө арналган жыйын …
Кыргыз Республикасынын Президенти Садыр Жапаров бүгүн, 7-мартта, өлкөнүн массалык маалымат каражаттарынын жетекчилери менен жолугушту. Бул …
