• Шаршемби 20 Үчтүн айы 2021

Президенттик шайлоонун алгачкы жыйынтыктары чыга баштады. Жапаров атаандаштарынан кыйла алдыда…

10 января 2021 в 20:41 Бишкек Govori.TV

Кыргызстанда 10-январдагы кезексиз президенттик шайлоонун баштапкы жыйынтыктары жарыялана баштады. Борбордук шайлоо комиссиясынын (БШК) сайтындагы эсепке ылайык, Садыр Жапаров атаандаштарынан кыйла алдыда.

Электрондук үкөктүн автоматтык эсептөөсүнө ылайык саат 20:30дагы маалыматка караганда аны шайлоочулардын 79% көбүрөөгү колдоду. Андан кийин Адахан Мадумаров (7%дын тегерегинде) менен Бабыржан Төлбаев (2%дан көбүрөөк) келатат .

Ал эми мамлекеттик башкаруу формасын аныктаган референдумду “президенттик башкарууну” колдогондор көп – 80% тегерегинде.

Бул акыркы эсеп эмес, сандар улам жаңыланууда. Добуштар кол менен да эсептелинет.

Президенттик кезексиз шайлоо жана мамлекеттик башкаруу формасын аныктоо боюнча референдумда добуш берчү кыргызстандыктардын саны 3 563 574 деп айтылган. Саат 18:00гө карата алардын 33% көбү катышты.

Количество просмотров: 337