Президенттин басма сөз катчысы Аскат Алагөзов социалдык тармактагы баракчасына билдирүү жазып, орусиялык журналист Владимир Соловьевдун айткандарына карата комментарий берди.
«Муну орусиялык журналист – алып баруучунун ондогон сааттап ар кайсыл темада сүйлөгөн эфиринин жүрүшүндөгү ара чолодо айтылган сандырак сөздөрүнүн бири деп эле кабыл алыш керек. Ал эми жооп берүү маселеси боюнча Соловьев журналист же алып баруучу болгондуктан, ага өз деңгээлинде журналисттер же башкалар жооп берип атышат. Эгер мындай ойду депутаты же министри айта турган болсо бир жөн. Ошого жараша биздин депутаттар же министрлер жооп бермек. Депутаттарыбыздын бири Соловьевду “Персона нон грата” жарыялайлы дегенин окудум. Эми анын өзүнүн тийиштүү жол-жобосу бар. Карап көрүшөөр. Бул жерде эң маанилүүсү, өзүңүздөр көрүп эле жатасыздар да, Россия менен бизде, бизде эле эмес Борбор Азия мамлекеттеринде эки жана көп тараптуу алака эң жогорку деңгээлде жолго коюлган. Эки тараптуу ар кыл деңгээлдеги визиттерди, ошол эле КМШ, ЕАЭБ, ШКУ өңдүү уюмдардын алкагында өз ара кызматташтыктарды белгилесек болот. Андыктан анын ар кандай божомолдору суу кечпейт деп ойлойм.
Бирок, Владимир Соловьев мамлекеттик телеканалда эмгектенгендигин жана анын элдер ортосундагы мамилени козутуучу түшүнүксүз билдирүүлөрү достук мамиледеги мамлекеттердин жарандарында кеминде түшүнбөстүктөрдү, айрым учурда ага карата кескин чараларды көрүүнү талап кылып жатканын эске алуу менен, Соловьевдун жетекчилиги аны тартипке салат деп ишенебиз», — деп жазды ал.
Буга чейин орусиялык теле алып баруучу өзүнүн автордук «Владимир Соловьёв менен кеч» аттуу программасында согуш Украинадан тышкары аймактарга да жайылышы мүмкүн экенин айтып, Борбор Азия менен Арменияны атаган. Анын сөзү талкуу жараткан.
Президенттин басма сөз катчысы Аскат Алагөзов өлкө башчысы Садыр Жапаровдун атын жамынган алдамчылардан сак болууга …
Ысык-Көлдү тазалоо иштери активдүү уланууда. Бул тууралуу президенттин маалымат катчысы Аскат Алагөзов билдирди. Анын айтымында, …
Президент Садыр Жапаровдун басма сөз катчысы Аскат Алагөзов Бишкектеги Киев жана Ибраимов көчөлөрүнүн кесилишиндеги имараттын …
Президент Садыр Жапаровдун басма сөзкатчысы Аскат Алагөзов соцтармактагы баракчасына билдирүү жазып, Биринчи айым Айгүл Жапарованын …
Мамлекеттик гимн өзгөртүлөт деп дүрбөлөңгө түшүүгө негиз жок. Бул тууралуу президенттин басма сөз катчысы Аскат …
Бүгүнтөн тартып “Ынтымак ордого” жарандардын экскурсиясы башталды. Бул тууралуу президенттин басма сөз катчысы Аскат Алагөзов …
