Бүгүн, 26-ноябрда президенттик администрациянын имараты «Ынтымак Ордодо» Россия Федерациясынын президенти Владимир Путин менен Садыр Жапаровдун расмий жолугушуусу өтүүдө. Учурда ал «Ынтымак Ордого» келди.
Белгилей кетсек, Россиянын президенти Владимир Путин 25-ноябрда мамлекеттик сапары менен Кыргызстанга келди. Мамлекеттик сапардын жүрүшүндө Кыргызстан менен Россиянын лидерлери бүгүн, 26-ноябрда актуалдуу маселелерди жана стратегиялык кызматташтыкты мындан ары чыңдоону талкуулашат.
Ошондой эле бир катар эки тараптуу документтерге кол коюу пландалууда.